Euskara hizkuntza zaharra da, jakina da, baina hizkuntza honen erabilera XXI. mendean arriskuan dago. Historian zehar, mendez mende euskaldunok gure hizkuntzari eutsi diogu. Erromatarren hizkuntza, esaterako, penintsulako beste hizkuntzak desagertarazi zituen (iberoa, adibidez). Baina guk ez, tinko eutsi genion.
Ordutik hona denbora dexente igaro da eta azken menderaino euskara beste hizkuntza batzuekin bizirauteko arazorik gabe bizi izan da. Gerra zibila aurretik barra-barra entzun zitzatekeen jendearen egunerokotasunean: ogitan edo erosketetan, familian eta lagun artean, bereziki.Harreman sozialak euskaraz bizi ziren.
Gaurko errealitatea oso bestelakoa da. Euskara ofiziala bihurtu eta estandarra daukagu, euskara batua, alegia.Baina kalean gehienbat entzuten ez den hinkuntza euskara da. Gaztelaniak eremu zabala hartu dio euskarari, erlazio pertsonalen eremua, hain zuzen.Umeek euskaraz ikasten dute, gazteek ere bai; baina haien artean kostata entzuten da euskarazko hitza haien ezpainetan.
Ez ote ari da euskara esperantoaren bezalako hizkuntza bilakatzen? Bada, EGIN DEZAGUN ZERBAIT, ARREN.
